LCC PDF Imprimer

Dipoi u 1977, u Canope di Corsica hà publicatu guasgi 140 ducumenti pidagogichi in lingua corsa : libri sculari, raccolti di scritti, foli, filmi, CD-Rom…
Oghji ch’hè oghji, a missa in anda di u quatru aurupeu cumunu di rifarenza pà i lingui, arnesu cuncipitu da risponda à l’ughjittivu ghjinirali di u Cunsigliu di l’Auropa « parvena à una più granda unità trà i so membri » è ghjugna à stu puntu cù « l’approvu d’una dimarchja cumuna ind’u duminiu culturali », imponi à u Canope di Corsica di rinnuvà u so catalogu adituriali, anzi tuttu i libri d’amparera di a lingua corsa.
A firma di a cunvinzioni addiziunali rilativa à u pianu di sviluppu di a lingua è di a cultura corsi è di u multilinguisimu 2007–2013, trà u Statu è a Cullittività Tarrituriali di Corsica, hè un’uccasioni tamanta da metta in baddu una pulitica vuluntarista è muderna, adatta à i bisogni di tutti, cun trè priurità :

-    renda efficaci di più l’amparera di a lingua corsa
-    participà à u prughjettu « lingua corsa numerica »
-    cuntribuì à a ghjiniralizazioni d’un azzioni culturali di qualità