Las quilhas au malhet
MATERIAU
Lo materiau que servish entau jóc de quilhas qu’ei aqueste 
Tres quilhas de bói, talha : 55 cm Tres quilhas de bói, talha : 50 cm Tres malhets de bói, longor : 30 cm ; diamètre : 7 cm
` Lo lor pes qu’aurà de se situar entre 700 g e 900 g.
Cada jogaire qu’aurà lo son malhet.
A la basa, las quilhas que poderan estar cercladas, entà assegurar ua mei grana estabilitat.
Lo diamètre de la basa que serà de cap a 70 mm.
Lo diamètre deu cós de la quilha qu’aurà d’estar de cap a 80 mm.
L’AIRIAU DE JÓC
Qu’ei compausat d’un perimètre de 11 m de longor sus ua largor minimau de 3 a 4 m. A
cada extremitat, que calerà preveser ua zóna de securitat de 2 m.
Tot sóu planèr que pót estar emplegat : ciment, betum, tèrra batuda, taulat, eca...
L’airiau de jóc non poderà pas estar marcat sus ua zóna de qui lo penent ei superior aus 10 %.
Croquís de l’airiau de jóc.
LO JÓC
Dihens la zóna de l’airiau de jóc, que serà traçat l’emplaçament deu jóc. Que compren un pas de tirar e un pitèr.
Pas de tirar : qu’ei situat a 10 m de las pruméras quilhas, dihens l’axe de las duas quilhas deu miei. Un emplaçament de 50 cm de largor que delimita la posicion deu jogaire : cada langar que se herà shens balanç dempuish aqueth poste.
Lo pitèr : a 10 m deu pas de tirar, un emplaçament de 1 m sus 50 cm minimóm, que receb las quilhas, dispausadas en 2 rengs de 3 espaciadas de 30 cm au quarrat, de l’axe a l’axe, las petitas davant, las granas au segond reng.
Davant lo prumér reng de quilhas, a 9 m deu pas de tirar, ua linha blanca que serà traçada.
Que’s poderà plaçar sus aquera linha blanca ua barra o un planchót que n’aurà pas mes de 2 cm d’espessor.
Lo malhet que caijerà entremiei lo pas de tirar e la linha blanca qu’ei nul.
Las daunas e los joens lançaires de mens de 12 ans que se poderan avangar, a lor demanda, de 1 m entà lançar lo malhet.
OBJECT DEU JÓC
Lo jóc qu’ei de sauvar ua quilha dreta, quina que sia de las sies plaçadas, entà marcar 1 punt, en 1, 2 o 3 lançars de malhet.
La caduda de las sies quilhas qu’anulla lo lançar e tanben la sería deus tres tirs de l’equipa.
CONSTITUCION DE LAS EQUIPAS
Las equipas que son constituidas de tres jogaires, e que poderan estar mixtas.
DEROTLAMENT DEU JOC
Cada partida que compórta l’encontre de duas equipas, e que designerà ganhanta la qui a.rriberà la pruméra a 11 punts, damb un nombre egau de lançars, cada jogaire langent lo son malhet au son torr.
Si per cas ua partida se díu perlongar de tróp, que se pót arrestar e alavetz que ganherà l’equipa qui a marcat lo mes de punts, quan aqueth nombre seré mes petit que 11.
QUOTACION DEUS LANÇARS
Caduda deu malhet entremiei lo pas de tirar e la linha blanca : 0 punt Caduda deu malhet sus la linha blanca : 0 punt Caduda de 1 a 4 quilhas en 1, 2 o 3 lançars : 0 punt Caduda de 6 quilhas en 1, 2 o 3 langars : 0 punt - Caduda de 5 quilhas en 1, 2 o 3 langars : 1 punt
e possibilitat de tomar quilhar lo jóc entau 2d o 3au lançar.
