Los successors deu DUMAS que van balhar ua posteritat au personatge e van brodar en partir d’aquèra istuèra. Comença lavetz un procès de mitificacion ; lo mite torna vàder après un som en tot s’enriquir de mitèmas, en tot seguir l’expression deu Levi-Strauss. En 1897, lo personatge torna apareisher dins l’imaginari. Qu’ei sovent associat au Cyrano de Bergerac - quan lo Cyrano èra, eth, un dueliste deu grans, qu’èra parisenc e l’espion deu Mazarin).
Romans, pèças de teatre, films que seran realizats : Le Veritable d’Artagnan , Las amours de d’Artagnan, L’Enfant des mousquetaires, Le Fils des trois mousquetaires, Le filheul d’Aramis, La vieilhesse d’Athos, Le fils de Porthos. Atau, lo Paul FEVAL hilh qu’escriu en sèt volumes un D’Artagnan contre Cyrano...
Lo mite que torna prénguer vita e, coma tot mite qui torna prénguer vita, sovent que s’aflaqueish tà caiger dins escriuts parodics : qu’ei lo cas dins L’enfant des trois mousquetaires de CAMI.
L’originau qu’estoc largament desbrembat, a l’excepcion de l’episòdi deus herrets de la Reina. Dab lo vam francés deus films de capa e d’espada, lo cinemà que gaha lo d’Artagnan mès fòrça de constatar, d’aqueth punt de vista, los cineastes francés - excellents dins l’adaptacion deu Monte Cristo - que hèn un contrasens totau en crear per fidelitat au tèxte ua adaptacion sinistra deus Mousquetaires. Los acteurs que son avejius au possible, quan lo cinemà american ne balha, eth, ua version plea de vita, de movament e de vam mercés essencialament la presencia deu Gene Kelly.
Source : Atelier Canopé du Gers
  |
|
 |